適逢上星期是ClubONE場地的開放日，好友結婚可以陪她順便去參觀一下，對於住喺九龍區既我，香港區真的不熟路，所以在我結婚時都沒有選址在香港區擺酒，但原來這間ClubONE其中之一的婚宴場地@大舞臺參觀完後感覺又不錯喎!
距離上環地鐵站步行至西港城只需短短的5分鐘，最怕d 賓客抱怨位置偏遠，交通不便呢!
看到呢個古式古香既建築物就係喇!
其實我幾鍾意場地有個獨立舞台位，這樣比較集中，而且台上仲可以放個鋼琴，舞台周邊設計都好靚好有特色。可以一次過向呢度做埋註冊證婚，敬酒，可足夠擺最多42席。
旁邊設有空間位置做敬酒環節，都不用頭痛佈置方面，來這裡擺酒一手包辦哂，穿上裙褂在這裡拍照，背景設計簡直絕配。
真心覺得大舞臺都幾多影相位，就算換多幾套衫，早少少黎到比攝影師影下靚相都已經值回票價啦!
從樓上觀望下去，又有另一番感覺，有少少復古feel。
未入席前，可以安排樓上麻雀耍樂，招呼賓客。
枱布顏色都有好幾款選擇。
最後，再睇埋新娘房，有獨立洗手間、夾萬、化妝台，空間都幾大幾乾淨，裝修設計絕對會舊式呀! 保養都好好。
參觀完後，我的心情好似仲興奮過我身邊的朋友，哈哈! 我地兩個都好滿意呢個場，對我來說，一切已經太遲，可惜我早早就圓婚了!