熱門文章

2018年7月5日 星期四

令我胃口大開的意大利菜★PAPI


一直以為銅鑼灣食肆貴,意想不到這家PAPI,乃正宗意大利菜,價錢卻大眾化,驟眼看裝潢設計時尚新穎,在FASHION WALK附近,位置旺中帶靜,PAPI樓高兩層,每枱座位都好寬敞,樓底又高,空間感大,廁所在樓上二樓,二樓比起一樓的空間更大,感覺舒適寫意,情侶、家庭或大伙兒聚會飯局都好適合。




餐牌菜式選擇豐富,可能是天氣太侷的關係,連日幾天的胃口不太好,本作打算吃少少就算了,但來到這裡看過餐牌以後,每款都很想試。



服務員都幾周到的,中途都會幫我們更換碟,同時亦詢問我們食物味道有什麼意見,在進食時亦看到主廚捧著菜走出來落力招待。侍應先遞上意大利菜的前菜之一,脆薄餅呀!


其實我從不吃牛肚,但經店員推薦,即管試試,卻令我一試傾心,牛肚嫩滑彈牙,混了意大利醬汁兩者原來很搭,味道好好,食得好開胃,常常覺得牛肚好腥,好硬,但吃過這道菜後,我覺得我會再來end call。


另一款自家製肉丸,同樣有好香的醬汁味,肉丸口感豐富,肉質鬆軟,十分出色。


呢個四重芝士pizza 真係冇得輸呀! 暫時是我吃過最好食的一款,好想返轉頭再食的感覺,四重芝士好香,芝士香濃郁撲鼻,口感升呢,餅底好薄又脆口,其實食落口都不會覺得好油膩,現在見到圖片都流哂口水~xd


因為呢款pizza,侍應特別拿來自家釀的辣椒油給我們品嚐,灑幾滴在pizza面,辣椒油好香好純,完全不辣,增加味蕾刺激,是另一番風味呀!


沒有留言:

張貼留言