周末到了尖沙咀閒逛，與老公來到這家麵屋豚豚拍子品嚐日本菜，外面裝潢都幾吸引，幾有日式風格，而且從外面偷看裡面，人流都多，應該都幾受歡迎。
進內，店員很快便安排了座位給我倆，天氣凍，衣物外套手包都挺多隨身物品，坐在吧桌上感覺有點擠迫，看見餐牌上供應的二人餐，我跟老公都覺得幾抵食，價錢吸引，選主食再加3款小食，小食方面選了雞軟骨、手羽、魷魚及牛舌。
燒至金黃色的很香口，外皮脆脆地，面層輕微灑上鹽已經很好吃。
魷魚都不錯，份量都多，真心覺得抵依，魷魚鬚煙韌彈牙，挺入味的。
唯獨牛舌雖然看似份量好多，幾乎填滿了整碟，但牛舌厚度略厭太薄身，欠缺爽爽的口感，而且不夠牛味，有點失色，應該是入貨牛舌的品種吧!
主食點了鮭魚牛油果定食，因我要減磅關係，都想吃清淡些，鮭魚魚質很滑，咬一口有些魚的油脂滲出，但不會太膩，起初店員詢問我是否需要沙律醬，我隨口就加了，但沙律醬又好似太多=.=，白飯飯粒軟硬適中，不過吃不出日本米的清甜味道。
冬天要點些暖胃的食物，這款玉子炸豬扒定食非它莫屬了，豬扒炸至金黃色外皮香脆，內面肉質厚實好惹味開胃，混了日式的甜蛋很好味，配個白飯暖笠笠的，豬扒份量都好大呀!
二人埋單只是二百多加一，食物質素尚算不錯，價錢吸引，鬧市區來說算平宜了。